دليل اختيار · بدون تسجيل
من وين تبدين؟
السؤال مب أي أداة أحسن. السؤال أي وحدة تناسب مرحلتج الحين.
كل أداة في OnBo مربوطة بموقف حقيقي في العمل. اختاري الحالة اللي تشبه وضعج، وبتوصلين للأداة الصح بدون ما تقرين الموقع كله.
بديت وظيفة يديدة
أول تسعين يوم هي اللي تتحدّد فيها صورتج عند مديرج وفريقج. خطة أول 90 يوم تقولج شو تسوين في كل أسبوع: منو تقابلين، شو تسألين، وشو لازم يكون جاهز قبل نهاية فترة التجربة.
خطة أول 90 يوم · 49 درهم
شغلي اليومي ضايع وما أوثّقه
تشتغلين طول السنة، وفي التقييم ما تذّكرين نص اللي سوّيتيه. ابدي بنظام إدارة الأداء الفردي عشان يتجمّع شغلج أول بأول، وبعدها ورشة «وثّقي قيمتك» تعلّمج كيف تصيغينه بلغة تُقرأ وتُقيَّم.
النظام 79 درهم · الورشة 200 درهم
التقييم أو الترقية قريب
ملف الإنجازات المهنية هو القالب اللي تعرضين فيه شغلج على لجنة الترقية أو مديرج المباشر، وورشة بناء الملف تمشي معاج فيه معياراً معياراً. ولو ما عندج وقت، نكتبه لج كامل.
الملف 194 · الورشة 200 · الإعداد من 3,000 درهم
ما أقدر ألتزم بالتوثيق لحالي
تبدين متحمسة وبعدين تطنّشين، وآخر السنة ما عندج شي مكتوب. «أسبوعج مكتوب» اشتراك يمشي معاج: كل أسبوعين لايف فردي نراجع فيه اللي وثّقتيه، وكل ربع ننقله لملف الإنجازات.
349 درهم شهرياً · أو 2,999 سنوياً
أدير فريق
المهام تضيع بين الأشخاص وما تدرين عن التأخير إلا بعد فوات الوقت. نظام إدارة فريق العمل يوزّع المهام ويعطيج لوحة تبيّن منو متأخر وليش.
نظام إدارة فريق العمل · 252 درهم
أرفع تقارير للقيادة
تقريرج فيه كل المعلومات، بس القيادة ما تطلع منه بقرار. ورشة فن بناء التقارير تعطيج المنهجية، وباقة التقارير القيادية تعطيج القوالب جاهزة.
الورشة 300 درهم · بث مباشر أونلاين
ولو ما انطبقت عليّ ولا وحدة؟
اكتبي لي وضعج على واتساب بسطرين، وبأقولج بصراحة إذا عندي شي يناسبج ولا لا. ولو ما عندي، بأقولج.